Din Mai Yaad Usko
Din mai yaad usko ek baar nahi 100 baar karte thy.
Ye jante hue ki uski yaad hi aayegi phir bhi intezar karte thy.
Par jab us bekadar garoori se hi chot khai hamne tab hosh aya ki.
Hum to kisi pathar se pyar karte thy
Dono aankhon me aansu diya karte hai,
Ham apni neend tere naam kiya karte hai,
Jab bhi palak jhapke tumhari samajh lena
Ham tumhe yaad kiya karte hai…
Yaad aane waale yaad aaye ja rahi hai,
Mere khayalon ki duniya par chaaye ja rahi hai,
Ham kuch kah rahe hai par wo chup hai,
Bas mera message padhkar muskuraye ja rahe hai
By Gayatri Jain
Aahista Kadam Rakhna
Aahista kadam rakhna yeh dil ki zamin hai
Yahan khoi si aanknon mai teri tasveer thami hai
Hamne ye dekha hai tum bhi to kabhi dekho
Sooraj ki palkon par shabnam ki nami hai
Mana ki pareshan hun tu bhi to pareshan hai
Hairan hun main dil mai tu kis mitti ki bani hai
Ye kaisi kasam de di neendon ko miri tune
Aankhen yahan barson se ab khawab nashin hain
By Kumar Praveen Tyagi
Samandar Kya Karenge
Samandar kya karenge qatra-e-shabnam chura lae’n
Agar mumkin ho zakhm-e-hijr ka marham chura lae’n
Baharo’n k chaley janey khiza’n aney ka dar na ho
Koi aisa muhabbat ka naya mosam chura lae’n
Khabar ho neend ki paryo’n na hi khwabon ki devi ko
Tumhe’n palko’n ki doli mein bitha kar hum chura lae’n
Hame’n jazbat k sehra ko bhi sairab karna hai
Kisi tootey huey insa’n ki chashm-e-nam chura lae’n
Tumhara sath hai to aik bus apna jeewan kyun
Jaha’n walo’n ki sari umr aao hum chura lae’n
Sada ki muskurahat un k honto’n pe sajaney ko
Chalo Shahi zara chupkey se un k ghum chura lae’n
By Yaseen Shahi
Meri Khushi Mai
Meri khushi mai wo kush nahi hai,
Uski khushi hi meri kushi hai,
Pyar wo mujhse karti nahi hai,
Fir bhi wo meri jindagi hai,
Meri saanso pe uska he pehra,
Meri nigahoon mai uska he chehra,
Mere dil ki wo dharkan hai,
Meri aankhoon mai wahi basi hai
By Nihal Singh
Koi Umeed
Koi umeed bar nahi aati,
Koi surat nazar nahi aati.
Mout ka ek din muaeeyn hai,
Nind kyu raat bhar nahi aati.
Aage aati thi haal-e-dil pe hansi,
Ab kisi baat par nahi aati.
Janta hu sawab-e-taat-o-zohad,
Par tabiyat idhar nahi aati.
He kuchh esi hi baat jo chup hu,
Warna kya baat kar nahi aati.
Kyu na chikhu ki yaad karte hain,
Meri aawaz gar nahi aati.
Gaag-e-dil gar nazar nahi aata,
Boo bhi ye charagar nahi aati.
Hum waha he jahaa se humko bhi,
Kuchh humari khabar nahi aati.
Marte he aarzoo me marne ki,
Mout aati he par nahi aati.
Kaabe kis muh se jaaoge GHALIB,
Sharm tumko magar nahi aati.
By Mirza GHALIB
Submitted Hitesh Nagariya
Be Panah
GUNAH KAR KAY AAY DIL HASRAT-E-GUNAAH NA KAR
SAZA MILI HAY TAU PHIR JURM-E-BE-PANAAH NA KAR
WAFA KI TUM KO TAWUQQOU HAY AISAY LOGO-N SAY
MITA RAHAY HAI-N TUJHAY UNKO SARBARAAH NA KAR
RAHE-N GAY DARD-O-ALAM UMR BHAR TERAY ANDER
ASSI LIYE TOA KAHA ZABT APNI AAH NA KAR
HAY ZULM AAH-O-FUGHA-N KO MATA-E-JAA-N KEHNA
TAU APNI TAB-E-GIRA-N PAR DIL-E-TABAAH NA KAR
ISSI ZAMEEN KO MUHABBAT KA AASMA-N KAR DAY
KHILA SAY AAGAY TU TAMEER MEHR-O-MAAH NA KAR
By Syed Ehsan
Ik Baar
Ik baar kar ke aitbaar likh do.
Kitna hai mujh se pyar likh do.
Kat ti nahi yeh zindagi,ab tere bin.
Kitna karoon aur intzaar likh do.
Taras rehy hain bari mudat se.
Iss bar apni mohabbat ka izhaar likh do.
Deewanay ho jayein jisay parh ke hum.
Kuch aisa tum mere naam likh do.
Zayada nahi likh sktay to mat likho.
Mohabbat bharay lafz 2,4 likh do.
Ik baar likho mohabbat hai tum se.
Phir yehi jumla baar baar likh do.
By Moon
Baaghban Ban Gaye
Ai naseem-e-sehar karde tu ek nazar,
Phool khil jayen gulshan mein har dar badar,
Soona soona chaman hai khizan se bahut,
Hoga kab yeh baharon ke zere asar.
Hai na bulbul koi aur na hain shakhe gul,
Lag gayi hai ye gulshan pa kiski nazar. Baaghban ban gaye
By Ashhad Jairaj Puri