Urdu Ghazals
Hamd
IRADA TOOT KAR TUJH SAY JURRA MERAY KHUDA
NAYA MILTA HAY MUJHKO HOUSILA MERAY KHUDA
GHAMO-N KO MAI-N NAY KHUD PAIDA KIYA MERAY KHUDA
KHUSHI TUJH SAY HEE HOTI HAY ATTA MERAY KHUDA
MERAY ANDER SAY JO UBHRI SADA KISKI KAHOO-N
RAG-E-JAA-N SAY TOHI NAZDEEK THA MERAY KHUDA
KAMEE MUJH MAI-N HI THEE SAHIL PAY CHORRA YAAR NAY
TU HI SUB JANTA HAY NA-KHUDA MERAY KHUDA
NAYA HER ZAKHM TERI YAAD KO TAZA KARAY
YEHI TAUDARD HAY MERI SHAFA MERAY KHUDA
MUQADDER KAY UFAQ MAI-N DOOBA HAY JAB JAB YE EHSAN
UBHARA TU NAY MUJHKO BAARAHA MERAY KHUDA
EHSAN EHSAN(Hamd (Arabic: ????) is a song in praise of Allah)
Hawadiss
MUJH SAY ISS DAUR KI HALAT NAHI DEKHI JATI
SHIDDAT-E-JABR-OJAHALAT NAHI DEKHI JATI
YAN-N KI BADKARI-O-ZILLAT NAHI DEKHI JATI
NAFRAT-O-TUHMAT-O-GHEEBAT NAHI DEKHI JATI
HUSN-E-SOORAT SAY HAI DUNYA KI NIGAHAIN MASHOOR
ZAR ZAMEEN DEKH KAY SEERAT NAHI DEKHI JATI
UFF YEH BADGOEE-O-BADKHUEE-O-BADAAMOUZEE
SHAR GHAZAB KEENA KADOORAT NAHI DEKHI JATI
KHUD SAREE ABTAREE BAY HOODGEE-O-BAY KHABAREE
PASTIYON KI KOI SOORAT NAHI DEKHI JATI
PAST MAYYAR MAI INSAAN KA AALAM HAY AJEEB
APNAY ASLAAF SAY CHAHAT NAHI DEKHI JATI
AB KHUSHI AUR GHAMI KA KOI MAFHOOM NAHI
INTAHA HAY SHAB-E-FURQAT NAHI DEKHI JATI
DIL MAI-N TASWEER-E-BUTA-N AUR JABEE-N SAJDAY MAI
ABD HAIN ROOH-E-IBAADAT NAHI DEKHI JATI
WOH JO MINBAR PAY BANAY BETHAY HAI MASJID KA CHIRAGH
MAY-KADAY MAI-N TAU YEH HALAT NAHI DEKHI JATI
ROZ-E-MEHSHAR SAY KAHI BHARR KAY HAY DUNYA KA YEH HASHR
WOH TAU WOH YEHI QAYAMAT NAHI DEKHI JATI
RAHZANEE FISQ-O-FUJOOR AUR hawadiss EHSAN
PHAILTEE WAHSHAT-O-DEHSHAT NAHI DEKHI JATI
EHSAN EHSAN
Ae Jazba e Dil Gar Mein Chahoon
ae jazba e dil gar mein chaahoon
har cheez muqaabil aa jaae,
manzil ke liye do gaam chaloon
aur saamne manzil aa jaae.
ae dil ki khalish chal yoonhi sahee
chalta to hoon unki mehfil mein,
uss waqt mujhe chonka dena
jub rang pe mehfil aa jaae.
ae raahbar e kaamil chalne ko
tayyar to hoon par yaad rahe,
uss waqt mujhe bhatka dena
jab saamne manzil aa jaae.
haan yaad mujhe tum karlena
aawaaz mujhe tum de lena,
iss raah e muhabbat mein koi
darpesh jo mushkil aa jaae.
ab kyoon dhoondoon wo chasm e karam
hone de sitam baala e sitam,
mein chahta hoon ae jazba e gham,
mushkil pas e mushkil aa jaae.
ae jazba e dil gar mein chahoon
har cheez muqaabil aa jaae,
manzil ke liye do gaam chaloon
aur saamne manzil aa jaae.
ae jazba e dil gar mein chahoon…
Izhar-E-Wafa
Izhar-e-wafa kar na sake
kuch keh na sake kuch sun na sake
yahaan zuban hi kholi thi
wahan aankh jhuki sharma bhi gaye…
By Anwer jahangeer